2012 yilni “Mustahkam oila yili” deb e’lon qilinishi munosabati bilan aholiga, kichik biznes va xususiy tadbirkorlik subyektlariga ko‘rsatilayotgan sug‘urta xizmatlarini kengaytirish maqsadida “O‘zbekinvest” eksport-import milliy sug‘urta kompaniyasi tizimida “Sug‘urta markazi” tashkil etildi. Ushbu yo‘nalishda kompaniya tomonidan aholi va tadbirkorlar uchun yangi “Mening oilam”, “Mening uyim”, “Mening sog‘lig‘im”, “Mening avtomobilim” va “Mening biznesim” kabi maqbul narhlardagi sug‘urta mahsulotlari ishlab chiqildi.
Yangi sug‘urta mahsulotlari “Sug‘urta markazi” orq‘ali poytaxtda va kompaniya hududiy filiallarida mijozlarga taqdim etiladi. “Sug’urta markazi”ning asosiy vazifasi kompaniya tomonidan aynan aholi uchun taqdim etilayotgan sug‘urtaning ixtiyoriy turlari bo‘yicha xizmatlar hajmini kengaytirish va mamlakatimizning chekka hududlarida istiqomat qiluvchi aholiga kompaniyaning xizmatlarini yetkazishdan iboratdir.
“Sug‘urta markazi”da va hududiy filiallarda yangi sug‘urta agentlarini ishga jalb etish, ularni o‘qitish va doimiy ravishda malakasini oshirib borish tizimi joriy etilib, keng agentlik tarmog‘i orqali aholiga va xususiy tadbirkorlarga sifatli sug‘urta xizmatlari taqdim etiladi.

Tel.: 147-17-17 (ko‘p tarmoqli).