Sug‘urta himoyasi
Quyidagilar qoplanadi:
- qurilish ishlari mobaynida mulkni yo‘qolishi yoki zararlanishi;
- qurilish joyida yoki unga bevosita qo‘shni joyda qurilish ishlarini olib borayotganda uchinchi shaxslarning hayoti, sog‘lig‘iga zarar yetkazganlik uchun fuqarolik javobgarligining kelib chiqishidan yetkazilgan zarar;
- qurilish ishlari mobaynida mulk yo‘qolganda yoki zararlanganda hududni tozalash xarajatlari.
Asosiy istisnolar
Agar mulk quyidagilar natijasida yo‘qolsa yoki zararlansa, qoplama to‘lanmaydi:
- qurilish obyektida sug‘urta hodisasi yuz berishidan oldin sug‘urtalanuvchi, foydasiga sug‘urta amalga oshirilgan shaxs yoki ularning vakillariga ma’lum bo‘lgan xatolar, yetishmovchiliklar va nuqsonlar;
- loyiha-smeta hujjatlarida ko‘rsatilmagan ishlarning qisman yoki butunlay to‘xtashi;
- zanglash, chirish, tabiiy eskirish, o‘z-o‘zidan yonish yoki alohida predmetlarning boshqa tabiiy xususyaitlari;
- qurilish mashina va mexanizmlarining ichki tashqi omillar ta’sirisiz buzilishlari natijasida zararlanishi;
- faqat inventarizatsiya mobaynida aniqlangan ziyon va zararlar;
- yerga yoki yoqilg‘i va moylash materiallari, kimiyoviy moddalar, muzlatuvchi suyuqliklar va sug‘urtalangan obyekt ishlab chiqargan boshqa yordamchi materiallarga (qurilish obyektlarining qaltisliklari uchun zarur bo‘lganlaridan tashqari), qimmatbaho materiallar, toshlar, san’at asarlari, hujjatlar va qimmatli qog‘ozlarga yetkazilgan zararlar, shuningdek bilvosita olinmagan foyda yoki shartnoma bo‘yicha jarimalar kabi zararlar.
- tan jarohatlari yoki xodimlarning yoki pudratchi(lar), buyurtmachilar yoki qurilish ishlarini amalga oshirayotgan shirkat ishchilarining kasal bo‘lishi;
- transport vositalari, suzuvchi vositalar yoki samolyotlardan kelib chiqqan baxtsiz hodisalar yetkazilgan zararlar;
Sug‘urta shartnomasida boshqa istisnolar ham bo‘lishi mumkin.
Franshiza
Franshiza (shartsiz) – zararning qoplanmaydigan qismi. Franshizaning miqdori qancha katta bo‘lsa, Siz xizmatlarimiz uchun shuncha kam to‘laysiz. Qoplama to‘langanda franshiza zarar summasidan chegirib qolinadi.
To‘lov tartibi
mulk nobud bo‘lganda (yo‘qolganda) – franshizani chegirib qolgan holda mulkning sug‘urta shartnomasi tuzilgan sanadagi xaqiqiy bahosi miqdorida, zilzila, vulqon otilishi, sunami, bo‘ron, siklon, suv toshishi va bosishi, ko‘chki qaltisliklaridan nobud bo‘lish (yo‘qotish) bundan mustasno;
mulk zararlanganda – franshizani chegirib qolgan holda sug‘urta summasi chegarasida tiklash xarajatlari miqdorida, zilzila, vulqon otilishi, sunami, bo‘ron, siklon, suv toshishi va bosishi, ko‘chki qaltisliklaridan zararlanish bundan mustasno;
Batafsil axborotni Innovatsiya va sug‘urta xizmatlarini rivojlantirish markazidan olishingiz mumkin
Tel. 233 05 56, 233 05 46
e-mail: development@uzbekinvest.uz
